പത്തനംതിട്ട ∙ റാന്നി കോടതിയിൽ നിന്ന് പൊലീസ് കൊണ്ടുപോകും വഴി ഉണ്ണിക്കൃഷ്ണൻ പോറ്റിക്കു നേരെ ചെരുപ്പേറ്. ബിജെപി പ്രാദേശിക നേതാവാണ് പോറ്റിക്കു നേരെ ചെരുപ്പെറിഞ്ഞത്. അതിനിടെ, സ്വര്ണം ഉണ്ണികൃഷ്ണൻ പോറ്റി കൈവശപ്പെടുത്തിയെന്നാണ് എസ്ഐടിയുടെ അറസ്റ്റ് റിപ്പോർട്ടിൽ പറയുന്നത്. കൈവശപ്പെടുത്തിയ സ്വര്ണം വീണ്ടെടുക്കാൻ കസ്റ്റഡി അനിവാര്യമാണെന്നും റിപ്പോര്ട്ടിലുണ്ട്. ഉണ്ണിക്കൃഷ്ണൻ പോറ്റിയുടെ നടപടി ആചാര ലംഘനമാണ്. കൂട്ടു പ്രതികളുടെ പങ്ക് അടക്കം വ്യക്തമാകേണ്ടതുണ്ട്. സ്വർണക്കൊള്ളയിൽ സ്മാർട്ട് ക്രിയേഷനും പങ്കുണ്ട്. സ്മാർട്ട് ക്രിയേഷന്റെ സഹായത്തോടെയാണ് സ്വർണം വേർതിരിച്ചതെന്നും റിപ്പോർട്ടിൽ പറയുന്നു.
- Also Read ‘അമിതാധികാര പ്രയോഗം; അച്ചടക്ക വിഷയം വന്നാൽ ഇതാണോ പരിഹാരം’: ഡ്രൈവറുടെ സ്ഥലം മാറ്റം റദ്ദാക്കി, മന്ത്രി ഗണേഷിന് തിരിച്ചടി
പാളികളിലെ സ്വർണം തട്ടിയെടുക്കാൻ ആസൂത്രിത ശ്രമം നടന്നതായും രണ്ടു മുതൽ പത്ത് വരെ പ്രതികൾക്ക് അന്യായമായ ലാഭമുണ്ടാക്കാൻ പോറ്റി ഇടപ്പെട്ടെന്നും ആണ് അറസ്റ്റ് റിപ്പോർട്ടിൽ പറയുന്നത്. ദേവസ്വം ബോർഡ് ഉദ്യോഗസ്ഥരെ കുരുക്കിലാക്കുന്ന മൊഴിയാണ് ഉണ്ണികൃഷ്ണൻ പോറ്റി അന്വേഷണ സംഘത്തിനു നൽകിയിരിക്കുന്നത്. പോറ്റിയെ കരുവാക്കി സ്വർണം തട്ടിയെടുക്കാൻ ഉദ്യോഗസ്ഥർ ശ്രമിച്ചതായും അറസ്റ്റ് റിപ്പോർട്ടിൽ പറയുന്നു.
- Also Read ഇന്ത്യാ സഖ്യത്തിന് ‘ആപ്പ്’ വയ്ക്കാൻ കേജ്രിവാൾ? കൂട്ടിന് ‘മൂന്നാം മുന്നണി’; ബിജെപിക്ക് ഇനി എല്ലാം എളുപ്പം?
‘‘ഞാൻ സ്പോൺസർഷിപ്പ് ഏറ്റെടുത്ത് സന്നിധാനത്ത് വന്നപ്പോൾ മുതൽ ഈ സ്വർണ്ണക്കൊള്ളയുടെ ആസൂത്രണം തുടങ്ങി, അതിൽ ഉദ്യോഗസ്ഥർ അടക്കം വലിയ ഗൂഢാലോചനയിൽ പങ്കെടുത്തു’’ എന്നാണ് ഉണ്ണിക്കൃഷ്ണൻ പോറ്റിയുടെ മൊഴി. തിരുവിതാംകൂർ ദേവസ്വം ബോർഡിന് അന്യായമായ നഷ്ടവും തങ്ങൾക്ക് അന്യായ ലാഭവും ഉണ്ടാക്കുക എന്ന ഉദ്ദേശത്തോടെയും കരുതലോടെയുമാണ് ഈ വിശ്വാസവഞ്ചന നടത്തിയത്. സ്വർണം തട്ടിയെടുത്ത് ലാഭം നേടിക്കൊടുക്കാൻ വേണ്ടിയാണ് ഉണ്ണിക്കൃഷ്ണൻ പോറ്റി ശ്രമിച്ചത് എന്ന ഗുരുതരമായ ആരോപണവും അറസ്റ്റ് റിപ്പോർട്ടിലുണ്ട്. English Summary:
Unnikrishnan Potti\“s arrest: Unnikrishnan Potti\“s arrest has sparked controversy after a shoe was thrown at him while being escorted from the Ranni court. He is accused of misappropriating gold, according to the arrest report by the SIT. The report also alleges a planned effort to misappropriate gold and benefit the accused. |
|
