ഥാറും ബുള്ളറ്റും ഉപയോഗിക്കുന്നവരെല്ലാം കുഴപ്പക്കാരെന്ന് ഹരിയാന ഡിജിപി; വിവാദമായി പ്രസ്താവന

  



ചണ്ഡീഗഡ്∙ ചില വാഹന ബ്രാൻഡുകൾ ഉപയോഗിക്കുന്നവർ എല്ലാം പ്രശ്നക്കാർ ആണെന്ന തരത്തിൽ ഹരിയാന പൊലീസ് മേധാവി ഒ.പി.സിങ് നടത്തിയ പരാമർശം വിവാദത്തിൽ. ഥാർ, ബുള്ളറ്റ് എന്നീ വാഹനങ്ങൾ ഉപയോഗിക്കുന്നവരെ ക്രിമിനലുകളുമായി ബന്ധപ്പെടുത്തിയായിരുന്നു പരാമർശം. എല്ലാ വാഹനങ്ങളും പരിശോധിക്കാന്‍ കഴിയില്ലെങ്കിലും ഥാറോ ബുള്ളറ്റോ കണ്ടാൽ ഉറപ്പായും പരിശോധിക്കുമെന്ന് വാർത്താ സമ്മേളനത്തിൽ ഡിജിപി പറഞ്ഞു. ഇതിനെ അനുകൂലിച്ചും വിമർശിച്ചും സമൂഹമാധ്യമങ്ങളിൽ ചർച്ചകൾ സജീവം.

• Also Read അമ്മൂമ്മയ്ക്കൊപ്പം കിടന്നുറങ്ങുകയായിരുന്ന നാലു വയസ്സുകാരിയെ തട്ടിക്കൊണ്ടുപോയി പീഡിപ്പിച്ചു; ആരോഗ്യനില ഗുരുതരം   
  

‘‘ഞങ്ങൾ എല്ലാ വാഹനങ്ങളും പരിശോധിക്കാറില്ല. ഥാർ ആണെങ്കിൽ, നമുക്ക് എങ്ങനെ അത് പരിശോധിക്കാതിരിക്കാൻ കഴിയും?...അല്ലെങ്കിൽ ബുള്ളറ്റ് മോട്ടർ സൈക്കിളാണെങ്കിൽ... എല്ലാ ക്രിമിനലുകളും അത്തരം കാറുകളും ബൈക്കുകളും ഉപയോഗിക്കുന്നുണ്ട്. വാഹനം തിരഞ്ഞെടുക്കുന്നത് നിങ്ങളുടെ മാനസികാവസ്ഥയെ പ്രതിഫലിപ്പിക്കുന്നു. ഥാർ ഓടിക്കുന്ന ആളുകൾ റോഡിൽ അഭ്യാസ പ്രകടനങ്ങൾ നടത്തുന്നു.’’– ഒ.പി.സിങ് പറഞ്ഞു.

• Also Read സംശയം തോന്നിപ്പിച്ചത് മുറിവുകളുടെ പാറ്റേൺ: ട്രെയിനിൽ വാതിലിനടുത്ത് നിൽക്കുമ്പോൾ ശ്രദ്ധിക്കുക, കൊലയാളി മനസ്സുമായി പിന്നിൽ അവർ...   
  

ഒരു അസിസ്റ്റന്റ് പൊലീസ് കമ്മിഷണറുടെ മകൻ ഥാർ ഓടിച്ച് ഒരാളെ ഇടിച്ചു വീഴ്ത്തിയ സംഭവം സിങ് ഉദ്ധരിച്ചു. ‘‘ഒരു അസിസ്റ്റന്റ് കമ്മിഷണറുടെ മകൻ ഥാർ ഓടിക്കുന്നതിനിടെ ഒരാളെ ഇടിച്ചു വീഴ്ത്തി. അയാൾ മകനെ മോചിപ്പിക്കാൻ വിളിച്ചു. കാർ ആരുടെ പേരിലാണ് റജിസ്റ്റർ ചെയ്തിരിക്കുന്നതെന്ന് ഞങ്ങൾ അദ്ദേഹത്തോട് ചോദിച്ചു. ഥാർ കമ്മിഷണറുടെ പേരിലായിരുന്നു. അതിനാൽ അദ്ദേഹവും കുഴപ്പക്കാരനാണ്’’– സിങ് പറഞ്ഞു.  
    

• എസ്ഐആർ: വീട്ടിൽ ഇല്ലാത്തവർക്കും പ്രവാസികൾക്കും ഓൺലൈനായി ഫോം നൽകാം, എങ്ങനെ? ഇതാ ഫോം പൂരിപ്പിക്കാനുള്ള വഴി വിശദമായി
    
  
     
  •   
       
  •   
      
     
  
• എവിടെത്തിരിഞ്ഞൊന്നു നോക്കിയാലും അവിടെല്ലാം ഈ ക്ലിപ് മാത്രം! ഇതെങ്ങനെ ഇത്ര ഹിറ്റായി? ഈ ബോളിവുഡ് നടിയാണോ പിന്നിൽ, അതോ കെ–പോപ്പോ?
    
  
     
  •   
       
  •   
      
     
  
• കുട്ടികളുടെ അനുസരണക്കേട് വെല്ലുവിളി; അവർ ലൈംഗിക വിഡിയോ കാണുന്നത് തെറ്റാണോ? മാതാപിതാക്കളുടെ സമ്മർദം കുട്ടി അറിയുന്നുണ്ടോ?
    
  
     
  •   
       
  •   
      
     
  

MORE PREMIUM STORIES


പൊലീസുകാരുടെ പട്ടിക തയാറാക്കിയാൽ എത്ര പേർക്ക് ഥാർ ഉണ്ടാകുമെന്ന് സിങ് സഹപ്രവർത്തകരോടായി ചോദിച്ചു. അത് ആരുടെ കൈവശമുണ്ടെങ്കിലും അയാൾ പ്രശ്നക്കാരനായിരിക്കും. നിങ്ങൾക്ക് ഗുണ്ടായിസത്തിൽ ഏർപ്പെടാനും പിന്നീട് പിടിക്കപ്പെടില്ലെന്ന് പ്രതീക്ഷിക്കാനും കഴിയില്ല. നിങ്ങൾ പൊങ്ങച്ചം കാണിച്ചാൽ അതിന്റെ അനന്തരഫലങ്ങളും നേരിടേണ്ടിവരുമെന്നും സിങ് സഹപ്രവർത്തകരോടായി പറഞ്ഞു. പ്രസ്താവന സമൂഹമാധ്യമങ്ങളിൽ വൈറലായി. ചിലർ ഡിജിപിയുടെ വാക്കുകളെ പിന്തുണച്ചു. മറ്റു ചിലർ പൊലീസ് നടപടികളെ രൂക്ഷമായി വിമർശിച്ചു. English Summary:
Controversial Statement by Haryana Police Chief: Haryana Police Chief O.P. Singh sparks controversy by linking Thar and Bullet users to criminals. Discover the viral statement and public reaction.