മുൻ ഡിജിപി ഇനി ജനപ്രതിനിധി; വിവാദങ്ങൾ ഏശിയില്ല, ശാസ്തമംഗലത്ത് ആർ.ശ്രീലേഖയ്ക്ക് വിജയം

  



തിരുവനന്തപുരം∙ കോർപറേഷനിലെ ശാസ്തമംഗലം വാർഡിൽ മുൻ ഡിജിപിയും ബിജെപി സംസ്ഥാന വൈസ് പ്രസിഡന്റുമായ ആർ.ശ്രീലേഖയ്ക്ക് വിജയം. മേയര്‍ സ്ഥാനാര്‍ഥിയായി ബിജെപി പരിഗണിക്കുന്ന ശ്രീലേഖ കന്നി പോരാട്ടത്തിലാണ് വിജയം നേടിയത്. തിരഞ്ഞെടുപ്പിനിടെ ഉണ്ടായ രാഷ്ട്രീയ വിവാദങ്ങളെ മറികടന്നാണ് ജയം.

• Also Read വിജയത്തിന്റെ ‘ദം’ ബിരിയാണി ആദ്യം പൊട്ടിച്ചത് ദമ്പതികൾ; മുൻ എംഎൽഎയെയും ഞെട്ടിച്ച് തോൽവി– വിഡിയോ   
  

ആറ്റുകാല്‍ ക്ഷേത്രത്തിലെ കുത്തിയോട്ടം വിശ്വാസത്തിന്റെ പേരിലുള്ള കുറ്റകൃത്യമാണെന്ന ആര്‍.ശ്രീലേഖയുടെ പഴയ കുറിപ്പ് കോണ്‍ഗ്രസ് പ്രചാരണ ആയുധമാക്കിയിരുന്നു. കുട്ടികള്‍ക്ക് ശാരീരികയും മാനസികവുമായി കടുത്ത പീഡനം ഏറ്റുവാങ്ങേണ്ടിവരുന്നുവെന്ന് ശ്രീലേഖ കുറിപ്പ് എഴുതിയതിനു പിന്നാലെ ബാലാവകാശ കമ്മിഷന്‍ കേസെടുത്തിരുന്നു. താന്‍ സ്ഥാനാര്‍ഥി ആയതിന്റെ പേടി കൊണ്ടാണ് ഇത്തരത്തില്‍ പ്രചാരണങ്ങള്‍ ആരംഭിച്ചിരിക്കുന്നതെന്നും അതേക്കുറിച്ചൊന്നും ചിന്തിക്കുന്നില്ലെന്നുമായിരുന്നു ആര്‍.ശ്രീലേഖയുടെ പ്രതികരണം.

• Also Read ‘വോട്ടർമാർക്ക് നന്ദി’: ഫലം വരും മുൻപ് ലഡു വിതരണം ചെയ്ത് സ്വതന്ത്ര സ്ഥാനാർഥി   
  

ഇതിനു പിന്നാലെ ആർ.ശ്രീലേഖയുടെ വോട്ട് അഭ്യർഥിച്ചുള്ള ചുവരെഴുത്തുകളിൽ പേരിനൊപ്പമുണ്ടായിരുന്ന ‘ഐപിഎസ്’ എന്നത് കറുത്ത മഷി കൊണ്ടു മായ്ച്ചതും വാർത്തകളിൽ ഇടംപിടിച്ചു. ആം ആദ്മി പാർട്ടിയിലെ ടി.എസ്.രശ്മി പരാതി ഉന്നയിച്ചതിനു പിന്നാലെയാണ് ഇവ മായ്ച്ചത്. മായ്ക്കാൻ നിർദേശമൊന്നും നൽകിയിട്ടില്ലെന്ന് സംസ്ഥാന തിരഞ്ഞെടുപ്പ് കമ്മിഷൻ വ്യക്തമാക്കിയെങ്കിലും എതിർ സ്ഥാനാർഥി ഇതേക്കുറിച്ചു പരാതിപ്പെട്ട സാഹചര്യത്തിൽ ആ സ്ഥാനാർഥിയുടെ വീടിനു മുന്നിലെ ചുവരെഴുത്തുകളിൽനിന്ന് ‘ഐപിഎസ്’ മായ്ക്കാൻ പാർട്ടി പ്രവർത്തകരോടു ശ്രീലേഖ നിർദേശിച്ചു.
    

• മോദി കണ്ടെത്തിയ നായിഡുവിന്റെ കണ്ണും കാതും; ‘ഇൻഡിഗോ’യിൽ മുങ്ങുമോ ശ്രീകാകുളം കാക്കുന്ന 37കാരൻ; വരുമോ ഇന്ത്യൻ ആകാശത്ത് ‘ബിഗ് 5’?
    
  
     
  •   
       
  •   
      
     
  
• ACTRESS ASSAULT CASE അപ്പീലിലും നിർണായകം ആ പെൻഡ്രൈവ്: ‘സേഫ് കസ്റ്റഡി’ ഉറപ്പാക്കും ‘ഹാഷ് വാല്യു പൂട്ട്’; ഡിജിറ്റൽ തെളിവിൽ തൊട്ടാൽ പിടിവീഴും, എങ്ങനെ?
    
  
     
  •   
       
  •   
      
     
  
• ACTRESS ASSAULT CASE ആദ്യം നിസ്സംഗത; ചിരിച്ച്, ആശ്വസിച്ച് പൾസർ സുനി, ഒരാൾ മാത്രം വിതുമ്പി; പ്രതിക്കൂട്ടിൽനിന്ന് ‘ആവശ്യം’ പറഞ്ഞ് മാർട്ടിൻ: കോടതിയിൽ സംഭവിച്ചത്...
    
  
     
  •   
       
  •   
      
     
  

MORE PREMIUM STORIES


വോട്ടെടുപ്പുദിനത്തിൽ പ്രീ പോൾ സർവേഫലം പുറത്തുവിട്ട് ശ്രീലേഖ വീണ്ടും വിവാദത്തിലായി. തിരുവനന്തപുരം കോർപറേഷനിൽ എൻഡിഎക്കു മുൻതൂക്കമെന്ന തരത്തിൽ സി ഫോർ സർവേ പ്രീ പോൾ ഫലമെന്ന പേരിലാണ് രാവിലെ വോട്ടെടുപ്പ് ആരംഭിക്കുന്നതിനുമുൻപ് ശ്രീലേഖ സമൂഹമാധ്യമങ്ങളിൽ പങ്കുവച്ചത്. അപ്പോൾത്തന്നെ പൊലീസ് സൈബർ വിഭാഗം തിരഞ്ഞെടുപ്പു കമ്മിഷനെ അറിയിച്ചു. മാധ്യമങ്ങളിൽ വാർത്ത വരികയും ചെയ്തതോടെ പോസ്റ്റർ പിൻവലിച്ചു.  English Summary:
R. Sreelekha Secures Victory in Sasthamangalam Ward: R. Sreelekha has won the Sasthamangalam ward election. Despite facing controversies, the former DGP secured a victory, highlighting the BJP\“s presence in Thiruvananthapuram. This win marks her entry into representative politics.