LHC0088 • 2025-10-21 08:20:57 • views 560
വടക്കഞ്ചേരി （പാലക്കാട്） ∙ വടക്കഞ്ചേരി ദേശീയപാത 544ൽ അഞ്ചുമൂർത്തീമംഗലത്ത് നടന്ന വാഹനാപകടത്തിൽ 2 യുവാക്കൾക്ക് ദാരുണാന്ത്യം. റോഡ് മുറിച്ചു കടക്കുന്നതിനിടെ കാർ യുവാക്കളെ ഇടിച്ച് വീഴ്ത്തുകയായിരുന്നു. തിങ്കളാഴ്ച രാത്രി 9 മണിയോടെയായിരുന്നു അപകടം. വടക്കഞ്ചേരി മംഗലം തെക്കേത്തറ പാഞ്ഞാംപറമ്പ് സ്വദേശി ഷിബു （27）, മംഗലത്ത് വിരുന്നു വന്ന പല്ലാവൂർ ചെമ്മണംകാട്ടിൽ കിഷോർ （26） എന്നിവരാണ് മരിച്ചത്.
- Also Read സ്വകാര്യ ബസുകളുടെ മത്സരയോട്ടം, സ്കൂട്ടറിൽ നിന്ന് വീണ വീട്ടമ്മ ബസ് കയറി മരിച്ചു; അപകടം കോഴിക്കോട് രാമനാട്ടുകരയിൽ
തൃശ്ശൂർ ഭാഗത്തേക്ക് പോകുകയായിരുന്ന വാഹനം റോഡ് മുറിച്ച് കടക്കാൻ നിൽക്കുന്ന യുവാക്കളെ ഇടിച്ചു വീഴ്ത്തുകയായിരുന്നു. യുവാക്കളെ ഉടൻ ഇരട്ടക്കുളത്തുള്ള സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. വടക്കഞ്ചേരി പൊലീസ് സ്ഥലത്തെത്തി മേൽ നടപടികൾ സ്വീകരിച്ചു. English Summary:
Two Young Men Killed in Vadakkencherry Road Accident: Vadakkencherry accident resulted in the tragic death of two young men in Palakkad. The accident occurred on National Highway 544 when a car hit the victims while they were crossing the road. |
|
