deltin33 • 2025-10-28 09:35:09 • views 1250
ന്യൂഡൽഹി ∙ നിലവിലെ പിൻകോഡിനു പകരം രാജ്യത്തെ മുക്കും മൂലയുംവരെ സൂക്ഷ്മമായി രേഖപ്പെടുത്താനുള്ള ‘ഡിജിപിൻ’ സംവിധാനം രാജ്യമാകെ നടപ്പാക്കാൻ കേന്ദ്രം ഒരുങ്ങുന്നു. ഓരോ 4 ചരുരശ്രമീറ്ററിനും 10 ഡിജിറ്റുള്ള ആൽഫ ന്യൂമറിക് കോഡ് （ഉദാ: 829-4G7-PMJ8） ആണ് ഉപയോഗിക്കുക. കൃത്യമായ ലൊക്കേഷൻ ഇതുവഴി ലഭിക്കും. ദുരന്തനിവാരണം, ഇ–കൊമേഴ്സ് ഡെലിവറി ഇവയ്ക്ക് സഹായമാകും. ഓഫ്ലൈനായി പോലും കൃത്യം ലൊക്കേഷൻ മനസ്സിലാക്കാം.
- Also Read മകന്റെ വിവാഹമോചനത്തിന് ലാലുവിന്റെ പ്രായശ്ചിത്തം
ഡിജിറ്റൽ അഡ്രസ് കോഡ് ലെയർ തയാറായിക്കൊണ്ടിരിക്കുകയാണ്. ഡിജിപിൻ ചട്ടങ്ങളും വിജ്ഞാപനം ചെയ്യും. നിലവിൽ ഡിജിപിൻ സേർച് ചെയ്തു കണ്ടെത്താനുള്ള പോർട്ടൽ （dac.indiapost.gov.in） തപാൽ വകുപ്പ് ആരംഭിച്ചിട്ടുണ്ട്.
എങ്ങനെ?
∙ dac.indiapost.gov.in എന്ന വെബ്സൈറ്റ് തുറക്കുക. പിൻകോഡാണ് അറിയേണ്ടതെങ്കിൽ ‘Know your pincode’ ഉപയോഗിക്കുക. ഡിജിപിൻ ആണെങ്കിൽ ‘Know your DIGIPIN’ എന്ന ഓപ്ഷനും.
∙ ജിപിഎസ് ലൊക്കേഷൻ എനേബിൾ ചെയ്യുന്നതോടെ നമ്മൾ ഉള്ള സ്ഥലത്തിന്റെ പിൻകോഡും ഡിജിപിൻ കോഡും ലഭ്യമാകും.
∙ മാപ്പിൽ മറ്റെവിടെ ക്ലിക് ചെയ്താലും അതത് സ്ഥലത്തെ പിൻകോഡും കാണാം. English Summary:
Digipin: India\“s Revolutionary Digital Address System Replaces Pincodes |
|
