തിരുവനന്തപുരം∙ സംവിധായിക നല്കിയ ലൈംഗികാതിക്രമ പരാതിയുടെ അടിസ്ഥാനത്തിലുള്ള കേസില് പ്രതിയായ ഇടത് സഹയാത്രികനും മുന് എംഎല്എയുമായ സംവിധായകന് പി.ടി.കുഞ്ഞുമുഹമ്മദ് മുന്കൂര് ജാമ്യാപേക്ഷയുമായി കോടതിയെ സമീപിച്ചു. തിരുവനന്തപുരം സെഷന്സ് കോടതിയിലാണ് അപേക്ഷ നല്കിയത്. അന്വേഷണ പുരോഗതിയറിയിച്ച് മറ്റന്നാള് റിപ്പോര്ട്ട് സമര്പ്പിക്കാന് കന്റോണ്മെന്റ് പൊലീസിനു കോടതി നിര്ദേശം നല്കി. സംവിധായികയുടെ രഹസ്യമൊഴി ചീഫ് ജുഡീഷ്യല് മജിസ്ട്രേട്ട് കോടതി വരുംദിവസങ്ങളില് രേഖപ്പെടുത്തും.
Also Read ആദ്യം പുറത്തിറങ്ങുക പൾസർ സുനി, കോടതിയിൽ പൊട്ടിക്കരഞ്ഞ മാർട്ടിൻ കിടക്കേണ്ടത് 13 വർഷം കൂടി; പ്രതികളുടെ ബാക്കിയുള്ള തടവ് ഇങ്ങനെ
ഇവരുടെ സൗകര്യത്തിനനുസരിച്ചുള്ള ദിവസം മൊഴി രേഖപ്പെടുത്താമെന്ന് പൊലീസിനെ കോടതി അറിയിച്ചിരുന്നു. കുഞ്ഞുമുഹമ്മദിനെ അറസ്റ്റ് ചെയ്യുന്ന കാര്യത്തില് മുന്കൂര് ജാമ്യാപേക്ഷയില് വിധി വരുന്നതു വരെ കാത്തിരിക്കാനാണു പൊലീസ് തീരുമാനം. സ്ത്രീക്കെതിരായ ശാരീരികാക്രമണം, ലൈംഗിക ഉദ്ദേശ്യത്തോടെയുള്ള ശാരീരിക സമ്പര്ക്കം, ലൈംഗിക പരാമര്ശങ്ങള് നടത്തുക എന്നീ വകുപ്പുകളാണ് കുഞ്ഞുമുഹമ്മദിനെതിരെ ചുമത്തിയിട്ടുള്ളത്. നവംബര് 27ന് സംവിധായിക മുഖ്യമന്ത്രിക്കു നല്കിയ പരാതിയില് ഡിസംബര് എട്ടിനാണ് കന്റോണ്മെന്റ് പൊലീസ് കേസെടുത്തത്.
Also Read ‘പാതിരാത്രി മുന്നിൽ കടൽപ്പാമ്പ്, കണവ...; വലയിലെ ചതിയിൽ കാൽപാദം അറ്റു; കേരളം ലക്ഷ്യമാക്കി അവരെത്തുന്നത് മീനുകളെ ഇല്ലാതാക്കാൻ...’
തിരുവനന്തപുരത്തെ രാജ്യാന്തര ചലച്ചിത്രോത്സവത്തിലേക്കു മലയാളം ചിത്രങ്ങള് തിരഞ്ഞെടുക്കുന്നതിനുള്ള കമ്മിറ്റിയുടെ അധ്യക്ഷനായിരുന്നു പി.ടി.കുഞ്ഞുമുഹമ്മദ്. ഇതുമായി ബന്ധപ്പെട്ട യോഗത്തിനെത്തിയപ്പോള് ചലച്ചിത്ര അക്കാദമിയുടെ അതിഥികളായാണു കുഞ്ഞുമുഹമ്മദും കേസിലെ പരാതിക്കാരിയും നഗരത്തിലെ ഹോട്ടലില് താമസിച്ചത്. ഹോട്ടല് മുറിയില് വച്ചു സമ്മതമില്ലാതെ ശരീരത്തില് കടന്നുപിടിച്ചെന്നും അപമാനിച്ചെന്നുമാണു പരാതി. ഹോട്ടലില് നിന്നു പൊലീസ് ശേഖരിച്ച സിസിടിവി ദൃശ്യത്തില്, പരാതിയില് ആരോപിക്കുന്ന സമയത്ത് ഇരുവരും ഹോട്ടലിലുണ്ടായിരുന്നുവെന്നു വ്യക്തമായിട്ടുണ്ട്. പരാതിയില് ഉറച്ചു നില്ക്കുന്നതായി പരാതിക്കാരി പൊലീസിനെ അറിയിക്കുകയും ചെയ്തിരുന്നു.
വേദനയ്ക്ക് ആശ്വാസം നൽകുന്ന ‘തന്ത്രം’; ആയുർവേദ വേദനസംഹാരി എങ്ങനെ എളുപ്പത്തിൽ വീട്ടിലുണ്ടാക്കാം?
‘പാതിരാത്രി മുന്നിൽ കടൽപ്പാമ്പ്, കണവ...; വലയിലെ ചതിയിൽ കാൽപാദം അറ്റു; കേരളം ലക്ഷ്യമാക്കി അവരെത്തുന്നത് മീനുകളെ ഇല്ലാതാക്കാൻ...’
MORE PREMIUM STORIES
English Summary:
P.T. Kunju Muhammed Seeks Anticipatory Bail in Sexual Assault Case: The film director has sought anticipatory bail as police investigate the complaint. The court has asked for a progress report before making a decision.
