cy520520 • 2025-10-6 05:50:57 • views 1188
ന്യൂഡല്ഹി ∙ ശബരിമല ദര്ശനത്തിനായി രാഷ്ട്രപതി ദ്രൗപദി മുര്മു ഒക്ടോബര് 22 ന് കേരളത്തിലെത്തും. തുലാമാസ പൂജയുടെ അവസാന ദിവസമാണ് രാഷ്ട്രപതി എത്തുന്നത്. ഒക്ടോബര് 16നാണ് തുലാമാസ പൂജകള്ക്കായി ശബരിമല നട തുറക്കുന്നത്. 22ന് രാത്രി തന്നെ മലയിറങ്ങി തിരുവനന്തപുരത്ത് എത്തും. ഒക്ടോബര് 24 വരെ രാഷ്ട്രപതി കേരളത്തിലുണ്ടാകും. 22ന് ഉച്ചയ്ക്ക് നെടുമ്പാശ്ശേരിയില് എത്തുന്ന രാഷ്ട്രപതി തുടര്ന്ന് നിലയ്ക്കലില് തങ്ങിയ ശേഷം വൈകിട്ടോടെയാകും ശബരിമലയില് ദര്ശനത്തിനെത്തുക.
- Also Read അയ്യപ്പ സംഗമത്തിനെത്തിയവർ താമസിച്ചത് നക്ഷത്ര ഹോട്ടലുകളിൽ, ചെലവ് ലക്ഷങ്ങൾ; എല്ലാം ദേവസ്വം ഫണ്ടിൽ നിന്ന്
ആഗോള അയ്യപ്പ സംഗമ വേദിയില് രാഷ്ട്രപതി ശബരിമല സന്ദര്ശനത്തിന് എത്തുമെന്ന് മന്ത്രി വി.എന്. വാസവന് പറഞ്ഞിരുന്നു. രാഷ്ട്രപതിയുടെ സന്ദര്ശനത്തോട് അനുബന്ധിച്ച് സുരക്ഷാ മുന്നൊരുക്കങ്ങള് ഇതിനോടകം നടത്തിയിട്ടുണ്ടെന്ന് സംസ്ഥാന സർക്കാർ രാഷ്ട്രപതി ഭവനെ അറിയിച്ചിരുന്നു. മേയ് മാസത്തില് രാഷ്ട്രപതി ശബരിമല സന്ദര്ശിക്കാന് തീരുമാനിച്ചിരുന്നു. എന്നാല് ഇന്ത്യ – പാക്കിസ്ഥാൻ സംഘർഷത്തിനു പിന്നാലെ സന്ദർശനം മാറ്റുകയായിരുന്നു. English Summary:
President\“s Sabarimala Visit Confirmed: Sabarimala temple visit is scheduled for President Murmu on October 22nd. She will be visiting Kerala for the final day of the Tulamasam Pooja. Security arrangements are already in place for the visit. |
|
