 
വെയിൽസ് ∙ സൈനിക അനുസ്മരണ ചടങ്ങിൽ യുകെയിൽ ശ്രദ്ധ നേടി ‘വ്യാജ അഡ്മിറൽ’. ‘റിമെംബറൻസ് സൺഡേ’യിൽ വെയിൽസിലെ യുദ്ധസ്മാരകത്തിൽ പുഷ്പചക്രം അർപ്പിക്കുന്ന ചടങ്ങിലാണ് ‘വ്യാജ അഡ്മിറൽ’ പ്രത്യക്ഷപ്പെട്ടത്. ചടങ്ങിനിടെ, 12 മെഡലുകൾ അലങ്കരിച്ച നാവിക യൂണിഫോം ധരിച്ചെത്തിയ 64 വയസ്സുകാരനായ ജോനാഥൻ കാർലി ആണ് ഈ ‘വ്യാജ അഡ്മിറൽ’.
- കെട്ടിടത്തിന്റെ മുകളിൽ നിന്ന് വീണു; പരുക്കേറ്റ ഇൻഫ്ലുവൻസർ ആശുപത്രിയിൽ നിന്ന് ‘മുങ്ങി’, ദാരുണാന്ത്യം US News
- മൂന്ന് വയസ്സുള്ള ആൺകുട്ടികളെ പീഡിപ്പിച്ചു; 18 വയസ്സുകാരനായ നഴ്സറി ജീവനക്കാരന് ശിക്ഷ വിധിച്ച് കോടതി Europe News
ചടങ്ങിൽ സജീവമായി പങ്കെടുത്ത ജോനാഥൻ യുദ്ധസ്മാരകത്തെ അഭിവാദ്യം ചെയ്തു. സൈനിക ഉദ്യോഗസ്ഥന്റെ വേഷം അനുമതിയില്ലാതെ ധരിച്ചത് ‘വിമുക്തഭടന്മാരെ അപമാനിക്കലാണ്’ എന്നാണ് റോയൽ നേവി ഈ സംഭവത്തോട് പ്രതികരിച്ചത്. ജോനാഥനെ അതിവേഗം സംശയത്തിന്റെ നിഴലിൽ നിർത്തിയത് അദ്ദേഹം ധരിച്ച യൂണിഫോമിലെ മെഡലുകളായിരുന്നു.
കാൽനടപ്പടയാക്രമണ ഉദ്യോഗസ്ഥർക്ക് സാധാരണയായി നൽകുന്ന അലങ്കാരമായ ഡിസ്റ്റിംഗ്വിഷ്ഡ് സർവീസ് ഓർഡർ （DSO） അദ്ദേഹം ധരിച്ചിരുന്നു. എന്നാൽ, മുപ്പത് വർഷത്തിലേറെയായി ഒരു റോയൽ നേവി ഉദ്യോഗസ്ഥനും ഈ ബഹുമതി നൽകിയിട്ടില്ല എന്നത് ജോനാഥൻ വ്യാജ അഡ്മിറലാണെന്ന് കണ്ടെത്തുന്നതിൽ നിർണായകമായി.
‘റിമെംബറൻസ് സൺഡേ’യിൽ നടന്ന സംഭവത്തിൽ പൊതുജനങ്ങളിൽ നിന്ന് ശക്തമായ പ്രതികരണമാണ് ലഭിച്ചത്. നോർത്ത് വെയിൽസ് പൊലീസിന് ലഭിച്ച റിപ്പോർട്ടുകളെ തുടർന്ന് ഉദ്യോഗസ്ഥർ അതിവേഗം പ്രതികരിക്കുകയും ജോനാഥൻ കാർലിയെ അറസ്റ്റ് ചെയ്യുകയും ചെയ്തു.
‘ഈ സംഭവം പൊതുജനങ്ങൾക്ക് ആശങ്കയുണ്ടാക്കിയതായി ഞങ്ങൾ മനസ്സിലാക്കുന്നു. ജനങ്ങളുടെ ആശങ്കകളോട് ഉദ്യോഗസ്ഥർ അതിവേഗം പ്രതികരിച്ചു. പ്രതിയെ പിടികൂടിയിട്ടുണ്ട്’– ചീഫ് ഇൻസ്പെക്ടർ ട്രിസ്റ്റൻ ബെവൻ പ്രസ്താവനയിലൂടെ അറിയിച്ചു. അനുമതിയില്ലാതെ യൂണിഫോം ധരിച്ചതിനാണ് ജോനാഥൻ കാർലിക്കെതിരെ പൊലീസ് കുറ്റം ചുമത്തിയിരിക്കുന്നത്. ഡിസംബർ 11 വ്യാഴാഴ്ച കേർണാർഫോൺ മജിസ്ട്രേറ്റ് കോടതിയിൽ പ്രതിയെ ഹാജരാക്കും. English Summary:
Fake Admiral Arrested: A man impersonating a Royal Navy Admiral was arrested in Wales during a Remembrance Sunday ceremony. The individual, wearing unauthorized medals, raised suspicion and was apprehended for impersonating a military officer. |
