പത്തനംതിട്ട ∙ മണ്ഡലകാല മകര വിളക്ക് തീര്ഥാടനത്തിനായി ശബരിമല നട ഇന്ന് വൈകിട്ട് തുറക്കും. വൈകിട്ട് 5ന് കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി അരുണ്കുമാര് നമ്പൂതിരിയാണ് നട തുറക്കുന്നത്. തുടര്ന്ന് മേല്ശാന്തി പതിനെട്ടാം പടിയിറങ്ങി ശ്രീകോവിലില് നിന്നുള്ള ദീപംകൊണ്ട് ആഴി ജ്വലിപ്പിക്കും. പതിനെട്ടാം പടിക്കു താഴെ ഇരുമുടിക്കെട്ടേന്തി കാത്തുനില്ക്കുന്ന നിയുക്ത മേല്ശാന്തിമാരെ അദ്ദേഹം കൈപിടിച്ച് സന്നിധാനത്തേക്ക് ആനയിക്കും.
Also Read ‘സിനിമാശാലകൾ അപ്രത്യക്ഷമാകുന്നത് തടയണം; യുദ്ധം ദാരിദ്ര്യം തുടങ്ങിയ വിഷയങ്ങളെ സത്യസന്ധമായി അഭിമുഖീകരിക്കണം’
6.30ന് ശബരിമല സോപാനത്ത് നിയുക്ത ശബരിമല മേല്ശാന്തി പ്രസാദ് നമ്പൂതിരിയെ തന്ത്രി അഭിഷേകം ചെയ്ത് അവരോധിക്കും. തുടര്ന്ന് മാളികപ്പുറം ക്ഷേത്രനടയില് നിയുക്ത മേല്ശാന്തി മനു നമ്പൂതിരിയുടെ അവരോധിക്കല് ചടങ്ങും നടക്കും. ഞായറാഴ്ച പൂജകള് ഇല്ല. തിങ്കളാഴ്ച പുലര്ച്ചെ മൂന്നിന് വൃശ്ചിക പുലരിയില് പുതിയ മേല്ശാന്തിമാര് ശബരിമല, മാളികപ്പുറം നടകള് തുറക്കുന്നതോടെ തീര്ഥാടനം തുടങ്ങും. ദിവസവും പുലര്ച്ചെ മൂന്നുമുതല് ഉച്ചയ്ക്ക് ഒരു മണിവരെയും ഉച്ചകഴിഞ്ഞ് മൂന്നു മുതല് രാത്രി 11 വരെയുമാണ് ദര്ശനം.
Also Read ‘പെണ്ണായ ഞാൻ’ എഴുതിയ അമയ; തിരുവനന്തപുരത്ത് കോൺഗ്രസിന്റെ \“റാംപ് വാക്ക്\“; പുതിയ ഡിവിഷനിൽ ട്രാൻസ്ജെൻഡർ സ്ഥാനാർഥി
ഡിസംബർ 2 വരെ വെർച്യുൽ ക്യൂ ബുക്കിങ്ങിൽ ഒഴിവില്ല. 70,000 പേർ ഡിസംബർ രണ്ട് വരെ വെർച്യുൽ ക്യൂ വഴി ദർശനം ബുക്ക് ചെയ്തിട്ടുണ്ട്. 20,000 പേർക്ക് സ്പോട്ട് ബുക്കിങ് വഴി ദർശനം നടത്താം. ഒരു ദിവസം 90,000 പേർക്കാണ് ദർശനത്തിന് അനുമതിയുള്ളത്. പമ്പയില് ഒരേസമയം 10,000 പേര്ക്ക് വിശ്രമിക്കാന് കഴിയുന്ന പത്ത് നടപ്പന്തലുകളും ജര്മന് പന്തലും ഉണ്ട്.
\“പുസ്തകമേളയിൽ ചൂടപ്പം പോലെ വിൽക്കുന്നത് ഈ പുസ്തകങ്ങൾ, അടക്കിയിരുത്താൻ കുട്ടിക്ക് ഫോൺ കൊടുത്താൽ അപകടം\“
എല്ലാവരും ജൻ സുരാജിനെ പേടിച്ചപ്പോൾ കറുത്ത കുതിരയെ ഇറക്കി എൻഡിഎ; രാഹുലും തേജസ്വിയും കണ്ടില്ല; ഒന്നില്നിന്ന് ഒരൊന്നൊന്നര കുതിപ്പ്
എൻഡിഎ വിജയത്തിനു പിന്നിൽ ഈ തന്ത്രങ്ങൾ; ‘ഒരു ലക്ഷം’ രൂപയിറക്കി കിട്ടിയത് 5 ലക്ഷം അധിക വോട്ട്! രാഹുലിന്റെ വോട്ടുചോരിയിൽ എന്ഡിഎ വോട്ടു വാരി
MORE PREMIUM STORIES
തിരുവിതാംകൂർ ദേവസ്വം ബോർഡ് പ്രസിഡന്റായി ഇന്നലെ സത്യപ്രതിജ്ഞ ചെയ്ത കെ. ജയകുമാർ ഇന്ന് വൈകിട്ടോടെ സന്നിധാനത്ത് എത്തുമെന്നാണ് വിവരം. യാതൊരു പരാതിയുമില്ലാതെ ശബരിമല ദർശനം സുഗമമാക്കാനുള്ള നടപടികൾ സ്വീകരിക്കുമെന്ന് ജയകുമാർ മനോരമ ഓൺലൈനോട് പറഞ്ഞു. ശബരിമലയിൽ പോയി മറ്റ് കാര്യങ്ങൾ വിലയിരുത്തേണ്ടതും മനസ്സിലാക്കേണ്ടതുമുണ്ട്. ഭക്തർക്ക് സുഗമമായ ദർശനം യാതൊരു ബുദ്ധിമുട്ടുമില്ലാതെ ഒരുക്കുകയാണ് ലക്ഷ്യമെന്നും അദ്ദേഹം പറഞ്ഞു. English Summary:
Sabarimala temple is set to open for the Mandala Makaravilakku pilgrimage season. Devotees are preparing for the darshan, with virtual queue bookings filling up quickly, and authorities are ensuring smooth arrangements for all pilgrims.
