കൂത്തുപറമ്പ് ∙ കാട്ടുപന്നി കുറുകെ ചാടിയതിനെത്തുടർന്ന് നിയന്ത്രണം വിട്ട ഓട്ടോറിക്ഷ മറിഞ്ഞ് മത്സ്യക്കച്ചവടക്കാരൻ മരിച്ചു. കൂത്തുപറമ്പ് നരവൂരിലെ അവിട്ടം ഹൗസിൽ എൻ.പ്രദീപൻ （52） ആണ് മരിച്ചത്. കതിരൂർ മൂന്നാം മൈലിൽ ഇന്ന് പുലർച്ചെ 5 മണിയോടെയാണ് സംഭവം.
തലശേരി മാർക്കറ്റിൽ നിന്ന് ഓട്ടോയിൽ വിൽപനയ്ക്കുള്ള മത്സ്യവുമായി നരവൂരിലേക്ക് വരുമ്പോൾ മൂന്നാം മൈൽ ടൗണിന് സമീപത്തുവച്ചാണ് അപകടം. പന്നി കുറുകെ ചാടിയതോടെ ഓട്ടോ നിയന്ത്രണം വിട്ട് മറിയുകയായിരുന്നു. പരുക്കുപറ്റിയ പ്രദീപനെ തലശേരി ആശുപത്രിയിൽ എത്തിച്ചെങ്കിലും രക്ഷിക്കാനായില്ല. English Summary:
A fish vendor has died in a tragic accident in Koothuparamba after a wild boar jumped in front of his auto-rickshaw, causing it to overturn. The incident occurred at Third Mile, Kathirur, near Thalassery |
