കലിഫോർണിയ∙ കലിഫോർണിയയിലെ മഞ്ഞുപുതച്ച മലനിരകളിൽ സ്കീയിങ്ങിനിടെയുണ്ടായ അതിശക്തമായ മഞ്ഞിടിച്ചിലിൽ എട്ട് പേർ കൊല്ലപ്പെട്ടതായി ഔദ്യോഗിക സ്ഥിരീകരണം. വിനോദസഞ്ചാരികളും സ്കീയിങ് വിദഗ്ധരും അടങ്ങുന്ന സംഘമാണ് അപകടത്തിൽപ്പെട്ടത്. പെട്ടെന്നുണ്ടായ പ്രകൃതിക്ഷോഭത്തിൽ കൂറ്റൻ മഞ്ഞുപാളികൾ താഴേക്ക് പതിക്കുകയായിരുന്നു.
What you should read next
‘ഓടിച്ചിട്ട് കുത്തി’ ; കേംബ്രിജിൽ വിദേശവിദ്യാർഥിയെ കൊല്ലുന്ന ദൃശ്യങ്ങൾ പുറത്ത് Europe News
അപകടസ്ഥലത്തുനിന്നും എട്ട് പേരുടെ മൃതദേഹങ്ങൾ രക്ഷാപ്രവർത്തകർ കണ്ടെടുത്തു. അപകടത്തിൽപ്പെട്ട സംഘത്തിലെ ഒരാളെക്കുറിച്ച് ഇപ്പോഴും യാതൊരു വിവരവുമില്ല. കാണാതായ ഈ വ്യക്തിക്കായി കനത്ത മഞ്ഞുവീഴ്ചയെയും തണുപ്പിനെയും അവഗണിച്ച് രക്ഷാപ്രവർത്തകർ തിരച്ചിൽ തുടരുകയാണ്.
ഹെലികോപ്റ്ററുകളും അത്യാധുനിക സെൻസർ സംവിധാനങ്ങളും ഉപയോഗിച്ചാണ് പരിശോധന നടക്കുന്നത്. എന്നാൽ മലനിരകളിലെ പ്രതികൂല കാലാവസ്ഥയും വീണ്ടും മഞ്ഞിടിച്ചിലുണ്ടാകാനുള്ള സാധ്യതയും രക്ഷാപ്രവർത്തനത്തിന് വലിയ വെല്ലുവിളിയാണ് ഉയർത്തുന്നത്.
ദുരന്തത്തിൽ നിന്നും ആറുപേരെ പരുക്കുകളോടെ രക്ഷപ്പെടുത്താൻ സാധിച്ചു. ഇവരെ സമീപത്തെ ആശുപത്രികളിൽ പ്രവേശിപ്പിച്ചിരിക്കുകയാണ്. കാണാതായ ആൾക്കുവേണ്ടിയുള്ള തിരച്ചിൽ അതീവ ജാഗ്രതയോടെ തുടരുമെന്നും, പ്രദേശം ഇപ്പോൾ പൂർണ്ണമായും അധികൃതരുടെ നിയന്ത്രണത്തിലാണെന്നും പ്രാദേശിക ഭരണകൂടം അറിയിച്ചു. മരിച്ചവരുടെ കുടുംബാംഗങ്ങളെ വിവരം അറിയിച്ചുവരികയാണ്. ADVERTISEMENT Go AD-FREE English Summary:
Eight Killed in Massive Avalanche During Skiing in Snow-Covered Mountains of California
