ഹൈദരാബാദ്∙ തെലങ്കാന സംസ്ഥാനം രൂപീകരിച്ച് 12 വർഷം പൂർത്തിയാകുന്ന വേളയിൽ സർക്കാർ ജീവനക്കാരുടെ ശമ്പളം നാലിരട്ടിയോളം വലർധിപ്പിച്ചു. നിലവിൽ പ്രതിമാസം ഏകദേശം 6,000 കോടി രൂപയാണ് ശമ്പളത്തിനും പെൻഷനും വേണ്ടി സംസ്ഥാനം ചെലവഴിക്കുന്നത്. ഏഴു ലക്ഷം രൂപ പ്രതിമാസം ശമ്പളം വാങ്ങുന്ന എൻജിനീയർമാരും 2 ലക്ഷം രൂപ വരെ വാങ്ങുന്ന സീനിയർ റാങ്കിലുള്ള ശുചീകരണ തൊഴിലാളികളും സംസ്ഥാനത്തുണ്ട്.
What you should read next
- യാത്രക്കാർക്ക് ആശ്വാസവുമായി ഡിജിസിഎ; ടിക്കറ്റ് റീഫണ്ട് നിയമത്തിൽ സുപ്രധാന മാറ്റങ്ങൾ Latest News
സംസ്ഥാനത്തെ ചില ഉന്നത തസ്തികകളിലെ ശമ്പള സ്കെയിൽ അതിശയിപ്പിക്കുന്നതാണ്. പവർ ജനറേഷൻ കോർപറേഷൻ, ട്രാൻസ്മിഷൻ കോർപറേഷൻ തുടങ്ങി വൈദ്യുതി മേഖലയിൽ പ്രതിമാസം ഏഴ് ലക്ഷം രൂപ വരെ ശമ്പളം വാങ്ങുന്ന ചീഫ് എൻജിനീയർമാരുണ്ട്. കൂടാതെ, ഹൈദരാബാദ് മുൻസിപ്പൽ കോർപറേഷനിലെ 30 വർഷത്തിലേറെ സർവീസുള്ള സീനിയർ ശുചീകരണ തൊഴിലാളികൾ പ്രതിമാസം രണ്ട് ലക്ഷം രൂപ വരെ ശമ്പളമായി കൈപ്പറ്റുന്നു. ഈ മേഖലയിലെ സ്ഥിരം തൊഴിലാളികളുടെ ശരാശരി ശമ്പളം 70,000 രൂപയാണെന്നും റിപ്പോർട്ടുകൾ വ്യക്തമാക്കുന്നു.
സർക്കാർ ജീവനക്കാരുടെ ശമ്പള ഘടന പരിശോധിച്ചാൽ, ക്ഷാമബത്ത അടിസ്ഥാന ശമ്പളത്തിന്റെ 33.67 ശതമാനമാണ്. ഗ്രൂപ്പ് 1 ഓഫീസർമാരുടെ അടിസ്ഥാന ശമ്പളം 54,000 മുതൽ 1.33 ലക്ഷം രൂപ വരെയാണ്. ഇവരുടെ ആകെ ശമ്പളം ഒന്നര ലക്ഷത്തിലധികം വരും. ഗ്രൂപ്പ് 4 വിഭാഗത്തിൽപ്പെട്ട സപ്പോർട്ടിങ് സ്റ്റാഫിന് ജോലിയിൽ പ്രവേശിക്കുമ്പോൾ തന്നെ 35,000 മുതൽ 50,000 രൂപ വരെ ലഭിക്കുന്നു. മിക്ക ജീവനക്കാരും നാഷനൽ പെൻഷൻ സിസ്റ്റത്തിനു കീഴിലായതിനാൽ ഇത് ഭാവിയിൽ സർക്കാരിനു വലിയൊരു സാമ്പത്തിക ബാധ്യതയായി മാറിയേക്കാം. തെലങ്കാനയുടെ ശമ്പളവും പെൻഷനും നൽകുന്നതിനുള്ള ബാധ്യത നാല് മടങ്ങ് വർധിച്ചതായി സർക്കാർ വൃത്തങ്ങൾ സൂചിപ്പിക്കുന്നു.
ശമ്പള ബാധ്യത വർധിക്കുമ്പോഴും തെലങ്കാനയുടെ സാമ്പത്തിക രംഗം കരുത്തുറ്റ വളർച്ചയിലാണ്. സംസ്ഥാനത്തിന്റെ ആഭ്യന്തര ഉത്പാദനം 10 ശതമാനത്തിനു മുകളിലാണ്, കൂടാതെ ആളോഹരി വരുമാനം ഇന്ത്യയിലെ തന്നെ ഏറ്റവും ഉയർന്ന നിരക്കുകളിലൊന്നാണ്. 2025-26 ബജറ്റിൽ 2.30 ലക്ഷം കോടി രൂപയുടെ വരുമാനവും 3.05 ലക്ഷം കോടി രൂപയുടെ ആകെ ചെലവുമാണ് പ്രതീക്ഷിക്കുന്നത്. ഈ ബജറ്റിൽ എസ്സി/എസ്ടി ക്ഷേമത്തിനായി 57,401 കോടിയും കൃഷി, ഗ്രാമവികസന മേഖലയ്ക്കായി 24,439 കോടി രൂപയും വകയിരുത്തിയിട്ടുണ്ട്. ADVERTISEMENT Go AD-FREE
JUST IN
-
1 MINUTE AGO എൻജിനീയർക്ക് 7 ലക്ഷം, ശുചീകരണ തൊഴിലാളിക്ക് 2 ലക്ഷം; തെലങ്കാനയിൽ ശമ്പള വർധന നാലിരട്ടിയോളം Latest News
-
46 MINUTES AGO യാത്രക്കാർക്ക് ആശ്വാസവുമായി ഡിജിസിഎ; ടിക്കറ്റ് റീഫണ്ട് നിയമത്തിൽ സുപ്രധാന മാറ്റങ്ങൾ Latest News
-
59 MINUTES AGO ‘ഐ ലവ് യു അമ്മാ, അനിയനെ നന്നായി നോക്കണം’; വാട്സാപ്പ് സന്ദേശമയച്ച് യൂട്യൂബർ ജീവനൊടുക്കി Latest News
VIEW MORE
English Summary:
Telangana government employee salaries have seen a significant increase, nearly quadrupling as the state celebrates its 12th anniversary. This substantial salary revision impacts over seven lakh employees, with some engineers reportedly earning up to ₹7 lakh per month and senior sanitation workers receiving up to ₹2 lakh. |
