തിരുവനന്തപുരം∙ പിഎം ശ്രീ വിഷയത്തില് മുട്ടുമടക്കേണ്ടിവന്നതിന്റെ കടുത്ത അമര്ഷത്തില് സിപിഐ നേതാക്കള്ക്കെതിരെ രൂക്ഷവിമര്ശനവുമായി വിദ്യാഭ്യാസമന്ത്രി വി.ശിവന്കുട്ടി. സിപിഐ ആസ്ഥാനത്ത് പാര്ട്ടി സംസ്ഥാന സെക്രട്ടറി ബിനോയ് വിശ്വത്തെ കണ്ട് സംസാരിക്കാനെത്തിയപ്പോള് മന്ത്രി ജി.ആര്.അനില് തന്നെ അപമാനിക്കുന്ന പ്രസ്താവന മാധ്യമങ്ങളിൽ നടത്തിയെന്ന് ശിവന്കുട്ടി പറഞ്ഞു.
Also Read പുനരാലോചനയിലേക്ക് നയിച്ചത് സിപിഐയുടെ ഭീഷണി; ‘പിഎം ശ്രീ’ വിവാദത്തിന് താൽക്കാലിക വിരാമം
ഓഫിസില് വന്നാല് സംസാരിക്കാതെ പറ്റുമോ എന്നാണ് അനില് പ്രതികരിച്ചത്. എവിടെയോ കിടന്ന ഒരുത്തന് ഓഫിസില് വന്നതുപോലെ പുച്ഛത്തോടെയാണ് മന്ത്രി ജി.ആര്.അനില് പെരുമാറിയതെന്ന് മന്ത്രി പറഞ്ഞു. പാര്ട്ടി ജനറല് സെക്രട്ടറി എം.എ.ബേബി നിസഹായനാണെന്ന് സിപിഐ നേതാവ് പ്രകാശ് ബാബു പറഞ്ഞത് ശരിയായില്ലെന്നും ശിവന്കുട്ടി പറഞ്ഞു. എഐഎസ്എഫും എഐവൈഎഫും തന്റെ ഓഫിസിലേക്കു നടത്തിയ മാര്ച്ചില് വിളിച്ച മുദ്രാവാക്യങ്ങളും വാക്കുകളും ശരിയല്ലെന്നും അവ വേദനിപ്പിച്ചെന്നും മന്ത്രി ശിവന്കുട്ടി പറഞ്ഞു.
Also Read യുവാക്കൾ ഇവിടെ മാംസക്കുഴമ്പായി; പതിനായിരം മുറികളുള്ള കൊട്ടാരം, ദൈവനിന്ദ പേടിച്ച് ഒരെണ്ണം പകുതിയാക്കി! കുട്ടകം പോലൊരു ഫയർ സ്റ്റേഷൻ...
ഒരിക്കലും ആര്ക്കും വേദന ഉണ്ടാകുന്ന കാര്യങ്ങള് ചെയ്യാന് പാടില്ലായിരുന്നു. വാക്കുകള് ശ്രദ്ധിച്ചു പ്രയോഗിക്കുന്നത് എല്ലാവര്ക്കും നല്ലതാണ്. വേദന തോന്നുന്ന പ്രതിഷേധം ഒരിക്കലും കമ്യൂണിസ്റ്റ് പാര്ട്ടികള് തമ്മില് ഉണ്ടാകാന് പാടില്ലെന്നും മന്ത്രി ശിവന്കുട്ടി പറഞ്ഞു. ‘പിഎം ശ്രീയില് ഒപ്പുവച്ചതില് ശിവന്കുട്ടി സഖാവിനെ എബിവിപി അഭിനന്ദിച്ചിട്ടുണ്ടെങ്കില് സഖാവും വിദ്യാഭ്യാസ വകുപ്പും ഈ വിഷയത്തില് തെറ്റായ പാതയിലാണെന്ന്’ എഐവൈഎഫ് സംസ്ഥാന സെക്രട്ടറി ടി.ടി.ജിസ്മോന് സമൂഹമാധ്യമത്തില് കുറിച്ചിരുന്നു.
അമേരിക്കൻ കാമുകി ആദ്യവിവാദം; പീഡനം ‘ജന്മാവകാശമെന്നു’ കരുതിയ രാജകുമാരൻ; പതിനേഴുകാരിയുടെ വെളിപ്പെടുത്തലിൽ കൊട്ടാരത്തിനു പുറത്ത്
വണ്ടി വാങ്ങിയപ്പോൾ ആ ‘എക്സസ് ക്ലോസ്’ നിങ്ങളും ഒപ്പിട്ടോ? എത്ര രൂപയ്ക്ക് എടുക്കണം ഇൻഷുറൻസ്? അംഗീകൃത സര്വീസ് സെന്റർ നിർബന്ധമാണോ?
ബുർജ് ഖലീഫയിൽ സ്വന്തമായി രണ്ടു നിലകൾ, സ്വകാര്യ ജെറ്റ്, ആഡംബര ജീവിതം: ഒരൊറ്റ ട്വീറ്റിൽ എല്ലാം വീണു: ശതകോടീശ്വരൻ ഷെട്ടിയുടെ സാമ്രാജ്യം തകർന്നതെങ്ങനെ?
MORE PREMIUM STORIES
പിഎം ശ്രീയുമായി ബന്ധപ്പെട്ട എല്ലാ തര്ക്കങ്ങളും ഇന്നലെ അവസാനിച്ചെന്നു മന്ത്രി പറഞ്ഞു. മുന്നണിയില് തര്ക്കം ഉണ്ടാകുന്നതു സ്വാഭാവികമാണ്. നേതാക്കള് ചര്ച്ച നടത്തി ദൃഢമായ പരിഹാരം കാണാൻ നടപടികള് സ്വീകരിച്ചു. കേന്ദ്രവുമായി ഒപ്പിട്ട കരാറുകള് സംബന്ധിച്ച് വിശദമായി ചര്ച്ച ചെയ്ത ശേഷമാണ് ഒരു നിഗമനത്തില് എത്തിയത്. ബാക്കി കാര്യങ്ങള് മന്ത്രിസഭാ ഉപസമിതി പഠിക്കുമെന്നും മന്ത്രി പറഞ്ഞു. English Summary:
Sivankutty Hurt by CPI Protest Language: V. Sivankutty expressed his disappointment over the language used in CPI protests regarding the PM Shree issue.
