പത്തനംതിട്ട ∙ അപകടത്തിൽ പരുക്കേറ്റ് ചികിത്സയിലിരിക്കെ മരിച്ച മല്ലപ്പള്ളി വെസ്റ്റ് വാലുമണ്ണിൽ ആലിൻ ഷെറിൻ ഏബ്രഹാമിന്റെ （9 മാസം） മൃതദേഹം ഇന്ന് ഔദ്യോഗിക ബഹുമതികളോടെ സംസ്കരിക്കും. വീട്ടിൽ പൊതുദർശനം ആരംഭിച്ചു. സംസ്ഥാനത്തെ ഏറ്റവും പ്രായം കുറഞ്ഞ അവയവ ദാതാവാണ് ആലിൻ. ആലിൻ ഷെറിൻ ഏബ്രഹാമിന്റെ മൃതദേഹംമല്ലപ്പാളിയിലെ മല്ലപ്പള്ളിയിലെ വീട്ടിൽ പൊതുദർശനത്തിനു എത്തിച്ചപ്പോൾ. ചിത്രം: ഹരിലാൽ/മനോരമ
അരുൺ ഏബ്രഹാമിന്റെയും ഷെറിൻ ആൻ ജോണിന്റെയും ഏകമകളായ ആലിന് കഴിഞ്ഞ അഞ്ചിന് എംസി റോഡിൽ പള്ളത്തുണ്ടായ അപകടത്തിലാണ് ഗുരുതരമായി പരുക്കേറ്റത്. കുടുംബം സഞ്ചരിച്ചിരുന്ന കാറിൽ മറ്റൊരു വാഹനം ഇടിച്ചായിരുന്നു അപകടം. മസ്തിഷ്കമരണം സ്ഥിരീകരിച്ചതിനെ തുടർന്ന് ആലിന്റെ ഇരുവൃക്കകളും കരളും ഉൾപ്പെടെ അവയവങ്ങൾ ദാനം ചെയ്യാൻ കുടുംബം തീരുമാനിക്കുകയായിരുന്നു.
6 മാസം പ്രായമുള്ള ധ്രിയയും 10 വയസ്സുള്ള ശ്രേയയുമാണ് അവയവങ്ങൾ സ്വീകരിച്ചത്. ധ്രിയയുടെ ശസ്ത്രക്രിയ കിംസ് ഹെൽത്തിലും ശ്രേയയുടെ ശസ്ത്രക്രിയ മെഡിക്കൽ കോളജ് ആശുപത്രിയിലുമാണു നടന്നത്. ആലിനിന്റെ കരൾ ധ്രിയയും വൃക്കകൾ ശ്രേയയും സ്വീകരിച്ചു. കുട്ടികളുടെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു.
JUST IN
14 MINUTES AGO LIVE കുഞ്ഞുമാലാഖയ്ക്ക് വിട ചൊല്ലാൻ നാട്; ആലിൻ ഷെറിന്റെ പൊതുദർശനം തുടങ്ങി Latest News
16 MINUTES AGO ഇറാനിൽ ട്രംപിന്റെ \“ഓർഡർ \“ മാത്രം ബാക്കി, 17ലെ ചർച്ച നിർണായകം; ഐടിയിലെ ചോരപ്പുഴ നിലയ്ക്കുമോ? സ്വര്ണവും ക്രൂഡ് ഓയിലും പുതിയ വഴിക്ക് Stock Market
24 MINUTES AGO പോൽ ആപ്പിൽ കയറിയാൽ ട്രെയിൻ യാത്ര സുരക്ഷിതം; മൊബൈൽ ഫോണിൽ റെയിൽവേ പൊലീസിന്റെ 5 സേവനങ്ങൾ Kozhikode
VIEW MORE
English Summary:
Organ donation saves lives as 9-month-old Alin Sherin Abraham\“s organs were transplanted to two children after her tragic death in an accident. The youngest organ donor in Kerala, Alin\“s selfless act has given new hope to the families.
