ചെന്നൈ∙ വടക്കുകിഴക്കൻ മൺസൂൺ ശക്തി പ്രാപിച്ചതോടെ തമിഴ്നാട്ടിൽ അതിശക്തമായ മഴ. ചെന്നൈ അടക്കം തമിഴ്നാട്ടിലെ വിവിധ ജില്ലകളിൽ കനത്ത മഴയാണ് പെയ്യുന്നത്. സംസ്ഥാനത്തുടനീളം ജാഗ്രതാ നിർദേശം പുറപ്പെടുവിച്ചിട്ടുണ്ട്. തമിഴ്നാട്ടിലെ എട്ട് ജില്ലകളിൽ റെഡ് അലർട്ട് പ്രഖ്യാപിച്ചു. ചെന്നൈ അടക്കമുള്ള 10 ജില്ലകളിൽ ഓറഞ്ച് അലർട്ടാണ്. ചെന്നൈ നഗരത്തിലടക്കം കനത്ത മഴ പെയ്യുന്നത് കണക്കിലെടുത്ത് മുൻകരുതൽ നടപടികൾ സ്വീകരിക്കാൻ മുഖ്യമന്ത്രി എം.കെ. സ്റ്റാലിൻ ഉന്നത ഉദ്യോഗസ്ഥർക്ക് നിർദേശം നൽകി. ചെന്നൈയിലെയും പുതുച്ചേരിയിലെയും സ്കൂളുകൾക്ക് നാളെ അവധിയാണ്.
- Also Read അറബിക്കടലിൽ ന്യൂനമർദം; 50 കിലോമീറ്റർ വേഗത്തിൽ കാറ്റ് വീശാൻ സാധ്യത
വില്ലുപുരം, കടലൂർ, മയിലാടുതുറൈ, നാഗപട്ടണം, തിരുവള്ളൂർ, തഞ്ചാവൂർ, പുതുക്കോട്ട, രാമനാഥപുരം എന്നിവിടങ്ങളിലാണ് റെഡ് അലർട്ട്. ചെന്നൈ, തിരുവള്ളൂർ, ചെങ്കൽപട്ട്, കാഞ്ചീപുരം, കള്ളക്കുറിച്ചി, അരിയല്ലൂർ, പെരമ്പലൂർ, തൂത്തുക്കുടി, തിരുനെൽവേലി, കന്യാകുമാരി എന്നിവിടങ്ങളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.
അതിനിടെ ബംഗാൾ ഉൾക്കടലിൽ ന്യൂനമർദം രൂപപ്പെട്ടു. തെക്ക് പടിഞ്ഞാറൻ ബംഗാൾ ഉൾക്കടലിൽ വൈകുന്നേരം രൂപപ്പെട്ട ന്യൂനമർദമാണ് ചെന്നൈയിൽ മഴയ്ക്കും തമിഴ്നാട്ടിലെ നിലവിലെ കാലാവസ്ഥയ്ക്കും കാരണമെന്ന് അധികൃതർ അറിയിച്ചു. സംസ്ഥാനത്തെ ഒറ്റപ്പെട്ട സ്ഥലങ്ങളിൽ കൂടുതൽ മഴ പെയ്യാൻ സാധ്യതയുണ്ടെന്നാണ് ഐഎംഡി പ്രവചനം. English Summary:
IMD Forecast: Tamil Nadu weather is currently experiencing heavy rainfall due to a depression in the Bay of Bengal. A red alert has been issued for eight districts, and an orange alert for ten others, with precautionary measures being taken. |
