ശ്രീനഗർ ∙ ലഡാക്കിൽ ജനജീവിതം സാധാരണ നിലയിലാകാതെ കേന്ദ്ര ആഭ്യന്തര മന്ത്രാലയവുമായി ചർച്ചയ്ക്കില്ലെന്ന് ലേ എപെക്സ് ബോഡി （എൽഎബി） ചെയർമാൻ തുപ്സ്റ്റാൻ ഷെവാങ് ഉൾപ്പെടെയുള്ള നേതാക്കൾ അറിയിച്ചു.
- Also Read വിജയ് പ്രതിക്കൂട്ടിൽ; അട്ടിമറിയെന്ന വാദം ആവർത്തിച്ച് നടൻ, ഹർജി പരിഗണിക്കാതെ കോടതി
ലഡാക്കി ജനതയെ ദേശവിരുദ്ധരെന്നു വിളിച്ചത് പിൻവലിക്കുകയും സംസ്ഥാനപദവി ആവശ്യപ്പെട്ട് നിരാഹാരസമരം നടത്തിയിരുന്ന പരിസ്ഥിതി, വിദ്യാഭ്യാസ പ്രവർത്തകൻ സോനം വാങ്ചുക് ഉൾപ്പെടെയുള്ള നേതാക്കളെ വിട്ടയയ്ക്കുകയും ചെയ്യാതെ ഒക്ടോബർ 6ന് കേന്ദ്രം വിളിച്ച സമാധാനചർച്ചയിൽ പങ്കെടുക്കില്ലെന്നും എൽഎബി നേതാക്കൾ പറഞ്ഞു.
ലഡാക്കിനു സംസ്ഥാന പദവി നൽകണമെന്നും ആറാം ഷെഡ്യൂളിൽ ഉൾപ്പെടുത്തണമെന്നും ആവശ്യപ്പെട്ട് എൽഎബിയുടെ നേതൃത്വത്തിൽ നടത്തിയ സമരത്തിനു നേരെ 24ന് പൊലീസ് നടത്തിയ വെടിവയ്പിൽ 4 പേർ കൊല്ലപ്പെടുകയും നൂറ്റൻപതിലേറെപ്പേർക്കു പരുക്കേൽക്കുകയും ചെയ്തിരുന്നു. 26ന് വാങ്ചുക്കിനെ ദേശവിരുദ്ധക്കുറ്റം ചുമത്തി അറസ്റ്റ് ചെയ്തു. സിആർപിഎഫ് ഉൾപ്പെടെ കേന്ദ്രസേനയെ നിയോഗിച്ചിട്ടും അശാന്തി തുടരുകയാണ്. India News, TVK Rally Stampede, Nirmala Sitharaman, National Democratic Alliance, NDA, Chennai News, Karur disaster, NDA probe team, CBI investigation, Tamil Nadu tragedy, DMK government lapses, Vijay demands inquiry, accident inquiry committee, Manorama, Malayala manorama, manorama online, manoramaonline, malayalam news, manorama news, malayala manorama news, ന്യൂസ്, malayala manorama online, latest malayalam news, Manorama Online News, Malayalam Latest News, മലയാളം വാർത്തകൾ, മലയാള മനോരമ, in Malayalam, Malayala Manorama Online News, മനോരമ ഓൺലൈൻ ന്യൂസ്, മലയാള മനോരമ , മനോരമ ന്യൂസ്, മലയാളം വാർത്തകൾ, Karur Tragedy: NDA Team to Probe Lapses, Vijay Demands CBI Inquiry 
സമരത്തെ പിന്തുണയ്ക്കുന്ന കാർഗിൽ ഡെമോക്രാറ്റിക് സഖ്യത്തിന്റെ （കെഡിഎ） പ്രതിനിധികൾ ഇന്നലെ ഡൽഹിയിൽ ആഭ്യന്തര മന്ത്രാലയം വിളിച്ച ചർച്ചയിൽ പങ്കെടുത്തു. എൽഎബി പ്രതിനിധികൾ വിട്ടുനിന്നു.
സോനം വാങ്ചുകിനെ നിരുപാധികം വിട്ടയയ്ക്കണമെന്നും ലഡാക്കിന്റെ ജനാധിപത്യ അവകാശങ്ങൾക്കുവേണ്ടി സമരം ചെയ്തതിന്റെ പേരിൽ ചുമത്തിയ കുറ്റങ്ങൾ പിൻവലിക്കണമെന്നും പീപ്പിൾ ഫോർ ഹിമാലയ പ്രവർത്തകർ ആവശ്യപ്പെട്ടു.
ഉന്നതതല അന്വേഷണം വേണമെന്നും ലഡാക്കിലെ ലഫ്റ്റനന്റ് ഗവർണറും ഡയറക്ടർ ജനറൽ ഓഫ് പൊലീസും രാജിവയ്ക്കണമെന്നും സജാദ് കാർഗിൽ （കാർഗിൽ ഡെമോക്രാറ്റിക് അലയൻസ്）, അതുൽ സാഥി （ജോഷിമഠ് ബചാവോ സംഘർഷ് സമിതി）, മൻഷി ആഷർ （ഹിംധാര കലക്ടീവ്）, അൻമോൽ ഒഹ്രി, （ക്ലൈമറ്റ് ഫ്രണ്ട്, ജമ്മു） എന്നിവർ ആവശ്യപ്പെട്ടു. English Summary:
Srinagar: LBA Rejects Talks Without Releasing Wangchuk, Restoring Normalcy |
