cy520520 • 2025-10-22 19:20:56 • views 1257
പത്തനംതിട്ട ∙ പ്രമാടത്ത് രാഷ്ട്രപതി ദ്രൗപദി മുര്മുവിന്റെ ഹെലികോപ്റ്ററിന്റെ ടയറുകള് ഹെലിപാഡിലെ കോണ്ക്രീറ്റില് താഴ്ന്ന സംഭവത്തില് യാതൊരു സുരക്ഷാവീഴ്ചയും ഉണ്ടായിട്ടില്ലെന്ന് സംസ്ഥാന പൊലീസ് മേധാവി റവാഡ ചന്ദ്രശേഖര്. ഹെലികോപ്റ്റര് ലാന്ഡ് ചെയ്യാനുള്ള ഹെലിപാഡ് വളരെ വൈകിയാണ് തയാറാക്കിയത്. ലാന്ഡ് ചെയ്യാന് നേരത്തെ തന്നെ ക്രമീകരണമുണ്ടാക്കിയിരുന്നു. നിശ്ചയിച്ച സ്ഥലത്തുനിന്ന് അഞ്ചടി മാറിയാണ് ഹെലികോപ്റ്റര് ലാന്ഡ് ചെയ്തത്. ഇത് സെറ്റാവാത്ത കോണ്ക്രീറ്റ് ഉള്ള ഭാഗത്തായിപ്പോയി. ഇതോടെ ഹെലികോപ്റ്ററിനു മുന്നോട്ട് നീങ്ങാന് സാധിച്ചില്ല. ഇതോടെയാണ് അത് തള്ളി നേരത്തേ ലാന്ഡ് ചെയ്യാന് നിശ്ചയിച്ചിരുന്ന നാലഞ്ച് അടി മാറിയുള്ള സ്ഥലത്തേക്ക് നീക്കിയത്. അല്ലാതെ ഹെലികോപ്റ്ററിനോ രാഷ്ട്രപതിയുടെ ലാന്ഡിങ്ങിനോ യാതൊരു തരത്തിലുമുള്ള പ്രശ്നങ്ങള് ഉണ്ടായിട്ടില്ലെന്നും റവാഡ ചന്ദ്രശേഖര് പറഞ്ഞു.
- Also Read വാക്കുതർക്കം, പിന്നാലെ സംഘർഷം; യുവതിയെ തലയ്ക്കടിച്ച് കൊലപ്പെടുത്തി: ഒരാൾ കസ്റ്റഡിയിൽ
അതേസമയം, എയര്ഫോഴ്സ് ജീവനക്കാര് ചൂണ്ടിക്കാണിച്ച ഇടത്താണ് ഹെലിപാഡ് തയാറാക്കിയതെന്നാണ് പൊതുമരാമത്ത് വകുപ്പിന്റെ പ്രതികരണം. രാത്രി ഏറെ വൈകിയാണ് ഇവിടം കോണ്ക്രീറ്റ് ചെയ്തത്. ചെളിയും പൊടിപടലങ്ങളും ഒഴിവാക്കാനുള്ള ക്രമീകരണമാണ് ആവശ്യപ്പെട്ടത്. എയര്ഫോഴ്സ് ജീവനക്കാരുടെ സാന്നിധ്യത്തില് തന്നെയാണ് പ്രവൃത്തികള് പൂര്ത്തിയാക്കിയതെന്നും പൊതുമരാമത്ത് വകുപ്പ് അധികൃതർ പറയുന്നു.
- Also Read പലിശ കുറച്ചിട്ടും ഇരച്ചെത്തി ജനം; സ്വർണ ബോണ്ടിൽ കണക്കുതെറ്റി കേന്ദ്രം, കാണിച്ചത് ‘ഹിമാലയൻ’ മണ്ടത്തരം? എന്തുചെയ്യും നിർമലയും മോദിയും?
രാഷ്ട്രപതിയെയും കൊണ്ട് തിരുവനന്തപുരത്തുനിന്ന് എത്തുന്ന ഹെലികോപ്റ്റര് നിലയ്ക്കല് ഇറക്കാനായിരുന്നു നേരത്തെ തീരുമാനിച്ചിരുന്നത്. എന്നാല്, കാലാവസ്ഥ പ്രതികൂലമായതിനാല് തീരുമാനം പെട്ടെന്ന് മാറ്റുകയായിരുന്നു. തുടര്ന്ന് പ്രമാടം ഇന്ഡോര് സ്റ്റേഡിയത്തിലാണ് ഇറക്കിയത്. രാവിലെയോടെയായിരുന്നു പ്രമാടത്ത് ഹെലികോപ്റ്റര് വന്നിറങ്ങാനുള്ള ഹെലിപാഡ് നിര്മാണം പൂര്ത്തിയായത്. അതുകൊണ്ട് കോണ്ക്രീറ്റ് പ്രതലം ഉറച്ചിരുന്നില്ല. കോണ്ക്രീറ്റ് ഇട്ട് 12 മണിക്കൂര് തികയും മുൻപായിരുന്നു ഹെലികോപ്റ്ററിന്റെ ലാൻഡിങ്. രാഷ്ട്രപതി ഇറങ്ങിയ ശേഷമാണ് ഹെലികോപ്റ്ററിന്റെ ടയറുകള് കോണ്ക്രീറ്റില് താഴ്ന്നത്. English Summary:
President Helicopter Landing: President Helicopter Landing incident occurred in Pramadam, Pathanamthitta, where the President\“s helicopter tires sank into freshly laid concrete. Despite this, the state police chief asserts no security breach occurred, attributing it to a last-minute helipad construction and a slight deviation from the intended landing spot. |
|
